Bioloji Bakterisid
NOGALL, meyvə ağaclarında kök xərçənginə (Crown Gall) qarşı qoruma təmin etmək məqsədilə əkin öncəsi tətbiq edilir. Torf içərisinə sarılmış, islana bilən toz (WP) formasında bir bakteriya mədəniyyətidir.
Bir çox kənd təsərrüfatı sahələrində mövcud olan və torpaq altında 40 il canlı qala bilən Agrobacterium tumefaciens adlı bakteriyanın səbəb olduğu bir xərçəng xəstəliyidir. Zamanla bu xəstəlik, bitkilərdə əvvəlcə ciddi məhsuldarlıq itkilərinə və ardından 2-4 il ərzində ağacın quruyaraq tamamilə məhvinə səbəb olur.
Çəyirdəkli meyvələr (şaftalı, gilas, albalı, ərik və s.)
Qərzəkli meyvələr (qoz, badam və s.)
Yumşaq çəyirdəkli meyvələr (alma, armud və s.)
Dekorativ bitkilər (qızılgül, çobanyastığı, gerbera və s.)
Kök xərçəngi xəstəliyinə səbəb olan Agrobacterium tumefaciens, torpaqda və alaq otlarının kök bölgəsində onlara zərər vermədən 40 ilə qədər canlı qala bilmə xüsusiyyətinə malikdir. Sözügedən bakteriya; suvarma, torpaq emalı alətləri və sahəyə giriş-çıxış edən insan hərəkətləri vasitəsilə çox sürətlə yayıla bilir. Zərərli bakteriya bitki bünyəsinə daxil olduqdan sonra onu müalicə etmək şansımız yoxdur.
Patojen bakteriyanın digər patojenlərdən fərqli zərərvermə şəklinə görə, zərərli bakteriya bitki bünyəsinə yaralı toxumalardan daxil olduqdan sonra mübarizə imkanı yoxdur. Xəstəliklə mübarizə, ancaq patojen bakteriya bitki bünyəsinə girmədən öncə qoruyucu məqsədlə mümkün olur.
Kök bölgəsində qısa bir zaman kəsiyində kolonizasiya olaraq kökü bir “polad zireh” kimi qoruma altına alır.
Kök bölgəsindəki karbohidrat, amin turşusu, oksigen və digər birləşmələr üçün torpaq patojenləri ilə rəqabətə girərək onların yaşama şanslarını azaldır.
Agrocin 84, Agrocin 434 və ALS84 kimi antibiotikləri ifraz edərək kök xərçənginə səbəb olan patojen bakteriyanın birbaşa ölümünə səbəb olur.
NOGALL; səpin və ya əkin öncəsi hazırlayacağımız dərman qarışığı içərisinə toxum, anaç (çöğür) və tinglərin batırılaraq 1-2 dəqiqə saxlanılması və ardından dərhal səpin və ya əkinin edilməsi şəklində tətbiq olunur.
Toxum tətbiqləri: Hər 22 kq toxum üçün 250 qr-lıq 1 paket NOGALL yetərli miqdarda su ilə qarışdırılır, toxumlar batırılaraq 1-2 dəqiqə məhlul içində saxlanılır. Toxumlar dərhal əkilməlidir.
Anaç (Çöğür) tətbiqləri: İstehsalçının istifadəsinə və anaç böyüklüyünə bağlı olaraq, 250 qr-lıq 1 paket NOGALL ilə 2.000 – 7.000 arası anaç dərmanlana bilər. Çılpaq köklərin 12 lt su ilə hazırlanan qarışıq içində 1 dəqiqə saxlanılması ilə tətbiq edilir və dərhal əkin həyata keçirilir.
Doku mədəniyyəti, torflu və ya tüplü fidanlar: 250 qr-lıq 1 paket NOGALL ilə 1500-5000 arası ting dərmanlana bilər. Burada istifadə edilən su miqdarı hər bir tingin kökünü isladacaq şəkildə olmalıdır.
Yeni meyvə bağları: 250 qr-lıq 1 paket NOGALL ilə fidan böyüklüyünə görə 200-700 fidan dərmanlana bilər. Çılpaq köklü bitkilər üçün 250 qr NOGALL 12 lt su ilə qarışdırılaraq batırma məhlulu hazırlanmalıdır. Tüplü fidanlarda isə hər fidanın kök bölgəsini isladacaq qədər (təxminən 40-100 lt su) dibinə tökmə üsulu ilə tətbiq edilir.
İstifadə Tezliyi: Sadəcə səpin və ya əkin öncəsi olmaqla tək bir dəfə istifadə edilir.
Heç bir bakterisid ilə qarışdırıla bilməz.
İstifadəsində problem olmayan funqisidlər: Benomyl, Iprodione, Metalaxyl, Methyl thiophanate, Propamocarb, Triadimefon.
Nogall ilə qətiyyən istifadə edilməməsi lazım olan kimyəvilər: Captan, Xlorlu su, Dazomet, Dichlofluanid, Dodine (Melprex), Guazatine (Panoctine), TMTD, Truban, Zineb (Curit), Streptomycin (Agristrep), Mancozeb (Dithane).
Sərin və quru yerdə saxlayın, yüksək istilik və birbaşa günəş işığından qoruyun. İstehsal tarixindən etibarən otaq şəraitində 6 ay, +4 ⁰C-də 1 il müddətində istifadə edilməlidir.
Kök xərçənginə (Agrobacterium tumefaciens) qarşı təsirli bir həll təqdim edir.
NOGALL sadəcə qoruyucu məqsədlə istifadə edilə bilər. Xəstəlik bitki bünyəsinə girmədən öncə, əkin və ya səpin öncəsi tətbiq edilməlidir.
Tətbiqdən sonra faydalı bakteriya yarım saat içində kök bölgəsində kolonizasiya olmağa başlayır. Təzə köklərin hər 1 qramında 1-10 milyon arası bakteriya sayına çatılır. 15-20 həftə sonra bu rəqəm 10.000-100.000 səviyyəsinə düşür.
Torpaqdan tətbiq edilən funqisidlər faydalı bakteriyanı öldürə bilər. Xüsusilə mis tərkibli dərmanların tətbiqinə 2-3 həftə diqqət edilməlidir. İnsektisid və gübrə istifadəsi uyğundur.
Xeyr, Agrobacterium vitis qaynaqlı kök xərçəngində NOGALL təsirli deyildir.
Otaq temperaturunda maksimum 6 ay, soyuducuda (4–5°C) 1 il. Tövsiyə edilən dozalara diqqət edilməli, əksik istifadə təsirsiz nəticə verər.
Xeyr. NOGALL sadəcə qoruyucu məqsədlə istifadə edilir.
Su kimyəvi qalıq (xlor daxil) ehtiva etməməli, içməli su keyfiyyətində və soyuq olmalıdır. Qab təmiz olmalıdır.
Ting alınan firmalardan istehsal mərhələsində NOGALL istifadə edib-etmədikləri soruşulmalı və mümkünsə NOGALL istifadə edilmiş tinglərə üstünlük verilməlidir. İstehsal mərhələsində NOGALL istifadəsi, tinglərin kök xərçənginə yoluxma riskini böyük ölçüdə azaldır.
Plastik və ya şüşə qablar seçilməlidir. Metal qablar bakteriyalarla reaksiyaya girə bilər.
